TOP NEWS| ഡെൽറ്റ വൈറസിനെ ഭയന്നു ലോകം; ഇസ്രയേലിലും ഓസ്ട്രേലിയയിലും നിയന്ത്രണങ്ങൾ
സിഡ്നി: കോവിഡ് വൈറസ് ഡെൽറ്റ വകഭേദത്തിന്റെ വ്യാപനശേഷി ലോകത്തെ ഭയപ്പെടുത്തുന്നു. അതിവേഗം രോഗികളുടെ എണ്ണം പെരുകുന്നത് കോവിഡിന്റെ മൂന്നാം തരംഗത്തിനു കാരണമാകുമെന്നാണ് ആശങ്ക.
മഹാവ്യാധിയെ ഫലപ്രദമായി ചെറുക്കുന്നതിൽ അഭിമാനം കൊണ്ടിരുന്ന ഓസ്ട്രേലിയയ് ക്കും ഇസ്രയേലിനും വീണ്ടും നിയന്ത്രണങ്ങൾ പ്രഖ്യാപിക്കേണ്ടിവന്നിരിക്കുകയാണ്.
ഓസ്ട്രേലിയയിലെ സിഡ്നി നഗരത്തിൽ ഒരാഴ്ചത്തെ ലോക്ഡൗൺ ആണു പ്രഖ്യാപിച്ചത്. സിഡ്നി വിമാനത്താവളത്തിലെത്തിയ അന്താരാഷ്ട്ര സർവീസ് നടത്തുന്ന വിമാനത്തിലെ ജീവനക്കാർ സഞ്ചരിച്ച കാറിന്റെ ഡ്രൈവറിലാണ് ആദ്യം ഡെൽറ്റ വൈറസ് കണ്ടെത്തിയത്. തുടർന്ന് 65 പേർക്ക് രോഗം പിടിപെട്ടു.