മധ്യപ്രദേശിൽ ക്രൈസ്തവസഭാ അനാഥാലയത്തിനെതിരെ ശിശുക്ഷേമ സമിതി; കുട്ടികളെ ഒഴിപ്പിക്കാനുള്ള നീക്കം കോടതി തടഞ്ഞു

മധ്യപ്രദേശിൽ ക്രൈസ്തവസഭയ്ക്കു കീഴിൽ പ്രവർത്തിക്കുന്ന അനാഥാലയത്തിൽനിന്ന് കുട്ടികളെ നിർബന്ധിച്ച് ഒഴിപ്പിക്കാൻ ശ്രമം ഹൈക്കോടതി തടഞ്ഞു. സാഗർ രൂപതയ്ക്കു കീഴിലുള്ള ശ്യാംപൂരിലെ സെന്റ് ഫ്രാൻസിസ് അനാഥാലയത്തിലെ 44 അന്തേവാസികളെ ഒഴിപ്പിക്കാനാണ് ശിശുക്ഷേമ സമിതി ഉദ്യോഗസ്ഥരും പൊലീസുമെത്തിയത്. കുട്ടികളടക്കം പ്രതിഷേധമുയർത്തിയെങ്കിലും ഉദ്യോഗസ്ഥർ നടപടിയുമായി മുന്നോട്ടുപോകുന്നതിനിടെയാണ് കോടതിയുടെ ഇടപെടൽ.