ചർച്ച് ഓഫ് ഗോഡ് ഇൻ ഇന്ത്യ പതിനെട്ടാമത് പന്തളം സെന്റർ കൺവൻഷൻ നാളെ മുതൽ
പന്തളം: ചർച്ച് ഓഫ് ഗോഡ് ഇൻ ഇന്ത്യ പതിനെട്ടാമത് പന്തളം സെന്റർ കൺവൻഷൻ ഡിസംബർ 13 മുതൽ 17 വരെ മാന്തുക യുപി സ്കൂളിനു സമീപം ദൈവസഭാഗ്രൗണ്ടിൽ നടക്കും. സെന്റർ ശുശ്രൂഷകൻ പാസ്റ്റർ എബ്രഹാം മാത്യു ഉദ്ഘാടനം ചെയ്യും. സ്റ്റേറ്റ് ഓവർസീയർ പാസ്റ്റർ സി.സി. തോമസ്, എഡ്യൂക്കേഷൻ ഡയറക്ടർ പാസ്റ്റർ ഷിബു കെ. മാത്യു, റവ.വി.റ്റി. എബ്രഹാം, പാസ്റ്റർ പി.സി. ചെറിയാൻ, പാസ്റ്റർ പോൾ ഗോപാലകൃഷ്ണൻ, പാസ്റ്റർ ജെ. ജോസഫ് (സൺഡേസ്കൂൾ പ്രസിഡണ്ട്), ഡോ. ആനി ജോർജ് (പ്രിൻസിപ്പാൾ, ഫെയ്ത്ത് തിയോളജിക്കൽ സെമിനാരി, മണക്കാല) എന്നിവർ പ്രസംഗിക്കും. ക്രൈസ്റ്റ് സിംഗേഴ്സ് ചെങ്ങന്നൂർ സംഗീത ശുശ്രൂഷ നിർവഹിക്കും. വൈകിട്ട് ആറു മുതൽ 9 വരെയാണ് പൊതുയോഗം.
15ന് വെള്ളിയാഴ്ച 10 മണിക്ക് ലേഡീസ് മിനിസ്ട്രീസ് വാർഷികം, 16ന് ശനിയാഴ്ച 10 മണിക്ക് സൺഡേ സ്കൂൾ –
വൈപിഇ വാർഷികം എന്നിവ ഉണ്ടായിരിക്കും 17ന് ഞായറാഴ്ച രാവിലെ 8: 30 മുതൽ നടക്കുന്ന സംയുക്ത ആരാധനയോടും കർത്തൃമേശയോടും കൂടെ കൺവൻഷൻ സമാപിക്കും.
