എക്സ്പോ 2020: ദുബൈ പൊലീസ് മുന്നൊരുക്കം സജീവമാക്കി
ദുബൈ: ലോകത്തിെന്റ വിവിധ ഭാഗങ്ങളില്നിന്ന് ആയിരങ്ങള് എത്തിച്ചേരുന്ന എക്സ്പോ 2020ക്ക് ദുബൈ പൊലീസ് മുന്നൊരുക്കം സജീവമാക്കി. ഇതിെന്റ ഭാഗമായി ഹോട്ടല് ജീവനക്കാര്ക്ക് ബോധവത്കരണം നടത്തി. സന്ദര്ശകരെ സ്വീകരിക്കാന് ശ്രദ്ധിക്കേണ്ട കാര്യങ്ങള് പഠിപ്പിക്കുക എന്ന ലക്ഷ്യത്തോടെയാണ് ദുബൈ ടൂറിസ്റ്റ് പൊലീസ് ബോധവത്കരണം സംഘടിപ്പിച്ചത്. ഹോട്ടലുകള്ക്കും അധികാരികള്ക്കുമിടയില് ശരിയായ ആശയവിനിമയം നിലനിര്ത്താനുള്ള പൊലീസിെന്റ ശ്രമത്തിെന്റ ഭാഗമാണ് പരിപാടിയെന്ന് ടൂറിസ്റ്റ് പൊലീസ് വകുപ്പ് ഡയറക്ടര് ഡോ. മുബാറക് സഈദ് സലീം ബിന് നവാസ് അല് കെത്ബി പറഞ്ഞു. ഹോട്ടല് വ്യവസായത്തെ പിന്തുണക്കാന് പൊലീസ് സദാസന്നദ്ധമാണ്.
സുരക്ഷാസേവനങ്ങള്, ബോധവത്കരണം, മാര്ഗനിര്ദേശങ്ങള് നല്കല് എന്നിവ ഇതിനായി ചെയ്യുന്നു -അദ്ദേഹം പറഞ്ഞു. നിര്ദിഷ്ട മാനദണ്ഡങ്ങള് പാലിക്കുന്നതില് വീഴ്ചവരുത്തരുതെന്നും ദുബൈയിലെത്തുന്ന സന്ദര്ശകര്ക്ക് പൂര്ണ സുരക്ഷയൊരുക്കുന്നത് പൊലീസ് ചുമതലയാണെന്നും അല് കെത്ബി പറഞ്ഞു. അടിയന്തര സാഹചര്യങ്ങളില് ബന്ധപ്പെടേണ്ട രീതിയും സംവിധാനങ്ങളും അടക്കം ബോധവത്കരണ പരിപാടിയില് പരിചയപ്പെടുത്തി.