TOP NEWS| കൊവിഡിനൊപ്പം മഴക്കാല രോഗങ്ങളും: എങ്ങനെ തടയാം ? ശ്രദ്ധിക്കേണ്ട കാര്യങ്ങൾ
കൊവിഡ് മഹാമാരിക്കൊപ്പം നമ്മെ ആശങ്കയിലാഴ്ത്തി മഴക്കാല രോഗങ്ങളും പിടിമുറുക്കുകയാണ്. ഡങ്കിപ്പനി, ചിക്കുൻഗുനിയ, മലേരിയ, കോളറ തുടങ്ങി എണ്ണിയാലൊടുങ്ങാത്തത്ര രോഗങ്ങളാണ് നമുക്ക് ചുറ്റും. ഈ രോഗങ്ങളിൽ നിന്ന് എങ്ങനെ സംരക്ഷണം തീർക്കാം ?
പലപ്പോഴും വീടിന് ചുറ്റും അശ്രദ്ധിമായി വലിച്ചെറിയുന്ന ചിരട്ടകളിലും, പാത്രങ്ങളിലും, പ്ലാസ്റ്റിക് കവറുകളിലുമെല്ലാം മഴവെള്ളം നിറഞ്ഞ് അതിൽ കൊതുക് മുട്ടയിട്ട് പെരുകിയാണ് രോഗം നമുക്ക് വരാൻ കാരണമാകുന്നത്. അതുകൊണ്ടാണ് വീടും പരിസരവും വൃത്തിയക്കാനും കൊതുകിന്റെ ഇത്തരം ഉറവിടങ്ങൾ കണ്ടെത്തി നശിപ്പിക്കാനും പറയുന്നത്.