TOP NEWS| കത്തിയെരിയുന്ന കാറില്‍ യുവതിയും മൂന്നു കുഞ്ഞുങ്ങളും, രക്ഷകനായി യുവാവ്!
കത്തിയെരിയുന്ന കാറിൽ നിന്ന് നവജാത ശിശു ഉള്‍പ്പെടെ നാലുപേരെ രക്ഷിച്ച് യുവാവ്. ഹൈദരാബാദിലെ പിവിഎൻആർ എക്സ്പ്രസ് ഹൈവേയിലാണ് സംഭവം എന്ന് കാര്‍ ടോഖ് റിപ്പോര്‍ട്ട് ചെയ്യുന്നു. ഹൈദരാബാദ് നിവാസിയായ ജി രവിയാണ് കുടുംബത്തിന് രക്ഷകനായത്.
ഹൈദരാബാദിലെ രാജേന്ദ്രനഗർ പരിധിയിലുള്ള പിവിഎൻആർ എക്സ്പ്രസ് ഹൈവേയിലെ അട്ടാപൂരിലാണ് സംഭവം. എക്സ്പ്രസ് ഹൈവേയിലൂടെ കടന്നുപോകുകയായിരുന്ന രവി തീപിടിച്ചുതുടങ്ങിയ കാർ കാണുകയായിരുന്നു. സമീപത്തെത്തി നോക്കിയപ്പോൾ കാറിനകത്ത് കുടുങ്ങിക്കിടക്കുന്ന നിലയില്‍ യുവതിയേയും മൂന്ന് കുട്ടികളെയും കണ്ടു. ആകെ പകച്ച നിലയിലായിരുന്നു അവര്‍. ഇതോടെ കത്തുന്ന വാഹനത്തിന്‍റെ ജനൽ തകർത്ത് രവി നാലുപേരേയും പുറത്തെത്തിച്ചു. പിന്നാലെ സുരക്ഷിതസ്ഥാനത്തേക്ക് മാറ്റി. രണ്ട് മാസം പ്രായമുള്ള കുഞ്ഞും യുവതിക്കൊപ്പം ഉണ്ടായിരുന്നു. ഇതിനിടെ കാറിനെ പൂര്‍ണ്ണമായും തീ വിഴുങ്ങിയിരുന്നു.
