യുഎസ് താരിഫ്: കാനഡയുടെ ജിഡിപിയും കയറ്റുമതിയും ഇടിഞ്ഞതായി റിപ്പോര്ട്ട്
ഓട്ടവ : യുഎസ് താരിഫുകൾ കാനഡയുടെ ജിഡിപിയേയും കയറ്റുമതിയേയും സാരമായി ബാധിച്ചതായി സ്റ്റാറ്റിസ്റ്റിക്സ് കാനഡയുടെ പുതിയ റിപ്പോർട്ട്. തുടർച്ചയായ ആറ് പാദ വികസനത്തിന് ശേഷം 2025 ലെ രണ്ടാം പാദത്തിൽ യഥാർത്ഥ ജിഡിപി ഏകദേശം 0.4% കുറഞ്ഞതായി ഫെഡറൽ ഏജൻസി പറയുന്നു. കൂടാതെ പ്രധാന കനേഡിയൻ ഉൽപ്പന്നങ്ങൾക്ക് യുഎസ് തീരുവ ഏർപ്പെടുത്തിയതിനെത്തുടർന്ന് രണ്ടാം പാദത്തിൽ കയറ്റുമതി 7.5% കുറഞ്ഞതായും ഏജൻസി അറിയിച്ചു. കോവിഡ് മഹാമാരി കാലഘട്ടം ഒഴികെ, 2009 ന് ശേഷമുള്ള ഏറ്റവും വലിയ ത്രൈമാസ ഇടിവാണിത്, സ്റ്റാറ്റിസ്റ്റിക്സ് കാനഡ റിപ്പോർട്ട് ചെയ്തു.
