കു​ഞ്ഞി​നെ മാ​റ്റി​യ സം​ഭ​വം: അനുപമയുടെ മാതാപിതാക്കളെ ചോദ്യം ചെയ്യും

തി​രു​വ​ന​ന്ത​പു​രം: കുഞ്ഞിനെ ദത്ത് നല്‍കിയ കേസില്‍ അനുപമയുടെ മാതാപിതാക്കളെ പൊലീസ് ചോദ്യം ചെയ്യും .  മ​റ്റ് ബ​ന്ധു​ക്ക​ളോ​ടും പോലീസ് വി​വ​രം തേ​ടും. അ​തി​നി​ടെ അ​നു​പ​മ​യു​ടെ കു​ട്ടി​യു​ടെ വി​വ​രം തേ​ടി കേ​ന്ദ്ര അ​ഡോ​പ്ഷ​ന്‍ റി​സോ​ഴ്സ് സ​മി​തി​ക്ക് പോ​ലീ​സ് ക​ത്ത​യ​ച്ചു. 2020 ഒ​ക്ടോ​ബ​ര്‍ 19നും 25​നും ഇ​ട​യി​ല്‍ ല​ഭി​ച്ച കു​ട്ടി​ക​ളു​ടെ വി​വ​രം ന​ല്‍​ക​ണ​മെ​ന്നാ​ണ് ആ​വ​ശ്യം.

അ​തേ​സ​മ​യം ‌ന​ഷ്ട​പ്പെ​ട്ട കു​ഞ്ഞി​നെ തി​രി​കെ ല​ഭി​ക്കാ​ൻ അ​നു​പ​മ സെ​ക്ര​ട്ട​റി​യേ​റ്റ് പ​ടി​ക്ക​ൽ നി​രാ​ഹാ​ര സ​മ​രം ആ​രം​ഭി​ച്ചു. ഇ​ന്ന് രാ​വി​ലെ പ​ത്തോ​ടെ​യാ​ണ് അ​നു​പ​മ സ​മ​രം ആ​രം​ഭി​ച്ച​ത്. ”ഞങ്ങൾക്ക് പൊലീസിന്റെ ഭാഗത്തുനിന്നും ശിശുക്ഷേമ സമിതിയുടെയും ഭാഗത്തുനിന്നും ഒരു തരത്തിലുമുള്ള സഹായവും കിട്ടിയില്ല. അവർ ചെയ്യേണ്ട ഉത്തരവാദിത്തങ്ങളൊന്നും ചെയ്തിട്ടുമില്ല. എന്റെ കുഞ്ഞിന്റെ കാര്യം മാത്രമല്ല. നാളെ വേറൊരു കുഞ്ഞിനും അമ്മയ്ക്കും ഈ അവസ്ഥ വരാം.” അനുപമ പറഞ്ഞു.

കുഞ്ഞിന്റെ സുരക്ഷ ബന്ധപ്പെട്ടവർ നോക്കണമായിരുന്നു. എന്റെ ഭാഗത്തുനിന്ന് വീഴ്ചയുണ്ടായിട്ടുണ്ടെങ്കിൽ എന്നെ പ്രതിചേർത്തിട്ടാണെങ്കിലും അവർക്ക് അന്വേഷിക്കാമായിരുന്നു. എന്നാൽ, ആറു മാസമായിട്ടും ഒരുതരത്തിലുമുള്ള അന്വേഷണമുണ്ടായില്ല. ഇതേക്കുറിച്ച് വകുപ്പുതലത്തിൽ റിപ്പോർട്ട് ചോദിച്ചതുകൊണ്ടായില്ല. അവർക്കെതിരെ നടപടിയുമെടുക്കണം. വിഷയം സർക്കാരിന്റെയും ബന്ധപ്പെട്ടവരുടെ എല്ലാവരുടെയും ശ്രദ്ധയിൽ വരണം. അതിനാണ് ഈ സമരം. എല്ലാവരും എനിക്ക് നീതി കിട്ടണമെന്ന് ആഗ്രഹിക്കുന്നതിൽ സന്തോഷമുണ്ടെന്നും അവർ പ്രതികരിച്ചു.